romantik gecənin sonu
bu gecə hədsiz romantik keçəcək
əminəm
zorro misalı əynimə
qara parçadan bir şeylər geyib
sizin binanın çardağına çıxaraq
quş poxu ilə örtülü döşəmənin üzərinə
bir mahnıda deyildiyi kimi
“bir bedon benzin”
töküb
kibriti çəkməzdən əvvəl
başımı qaldırıb ulduzlu səmanı seyr edəcəm
ayın yumru səthində
göy gözlərinə bənzətmə axtara-axtara
barmaqlarımda oynatdığım
kibrit çöpünü çəkib damağımda
sallanan siqareti alışdırdıqdan sonra
yanar çöpü
benzin tökülmüş döşəməyə tullayacam
-heyf pulum çatmadı zippo” alışqanına
həm zorro sözüylə həmqafiyə olar
gecənin romantikasını artırardı
daha çox bənzəyərdi hollywood filmlərinə-
çardaqda işimi tamamladıqdan sonra
aşağı enib bir az kənardan yanğını seyr edəcəm
alov dilimləri ucaldıqca ərşə
könül xoşluğu ilə dinləyəcəm
yanğınsöndürən maşınların ah-nalələrini
və bu dəm boz dumanın arasında görünəcəksən
qırmızı gecə paltarında bağıraraq
mənsə ayaqqabımın ucuyla
yerə atdığım siqareti tapdalayaraq
ildırım sürətilə yüyürəcəm mərtəbələri anında dırmaşıb
alovun qırmızı dilimlərini yararaq
eyvana atılıb səni ağuşuma alacam!
və qolların boynumda çarpaz birgə tullanacayıq
8-ci mərtəbədən xilasetmə yastığının üzərinə
yastıqdan düşər-düşməz
düz əməlli sarılmağa belə imkan verməyib
alacaqlar valideynlərin
əlimdən izləyicilərin alqış sədaları altında səni
hər şey planlaşdırdığım kimi
getdiyi vaxt
qardaşın peyda olacaq qarşımda
və bir yumruq ilişdirəcək çənəmə...
eyvanda sarılırkən bir-birimizə
dodaq-dodağa opüşübmüşük.
yataqda “gecən xeyirə” smsi
yatmaq istəyirdim
qəfildən yadıma duşdü
əmrin var: hər gecə yatmamışdan
qabaq sənə nəsə yazmaq
“şirin yuxular balam”
kimi bir şeylər
yamanca acmışam
yataqdan qalxıb
soyuducunu acmaq
qaranlıq mətbəxdə mistik duruşlu
“Səma darvazası”na bənzəyən soyuducunun
soyuq işığında gözümə sataşan ilk yeməlini
gəmirmək istəyirəm
amma...
səni hər şeydən çox istəyirəm
tualetə də getmək istəyirəm
amma | 
